gudetth’en nu k’e neba hóʔą

Tantoo Cardinal

Tantoo Cardinal

Dene nadołthı dëne / ʔasíe horįcháy xa hek’enádheri

TTantoo Cardinal Fort McMurray, Alberta nǫʹk’e nįʹya, dįghį nations hots’įʔáné dene hęlį: Cree ʔú, Dene ʔú, Nakota ʔú tth’i Metis, Tantoo betsuné yenęʹshą, betsuné Dene hęlį, Dene hobenéné central chú northwestern Canada k’éyaghe, Denesųʹłiné łą ʔahįlt’e, dene t’á dáyałtie ʔedinį hoʔánélt’e ʔeją North America k’éyágh

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Fort McMurray, Alberta

t’ahúk’e hots’į dene hęlį:
Cree/Métis/Dene/Stoney


Wes Studi

Wes Studi

Dene nadołthı dëne

Wes Studi Tahlequah, Oklahoma nǫʹk’e nįʹya, nǫʹnize láhúnt’e Nofire Hollow húlye, ʔeyer Cherokee Nation néné néyą, Tahlequah hóʔą hájá nį capital of the 19th century Cherokee Nation, ʔeyer tth’i nįʹh gódhé lánat’e, ʔedinį tth’i ʔedínįdeł hadályá nį Trail of Tears hoyághe

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Tahlequah, Oklahoma

t’ahúk’e hots’į dene hęlį:
Cherokee


Dwight King

Dwight King

Tsoke dëne bets’ęn nanı́ senadher ha

Dwight King Meadow Lake, Saskatchewan nǫʹk’e nįʹya, tth’i ʔeyer néyą, Dwight Métis ts’įʔáné dene hęlį, Métis dené łą hotárelyųʹ k’e, t’ą tthe Métis hadé, Métis sekwi bą Indigenous ts’ékwi European fur traders Red River honáre hots’į, duhųʹ Manitoba húlye, Métis dené thene bech’ánįęʹ dábets’į, beyatié tth’i ʔú, beyúwé tth’i ʔú, bets’į artwork tth’i ʔú, shen ʔú tth’i t’antú dahdíli

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Meadow Lake, Saskatchewan

t’ahúk’e hots’į dene hęlį:
Métis


Chuck Billy

Chuck Billy

Shęn dëne

Chuck Billy Oakland, California nǫʹk’e nįʹya tth’i ʔeyer néyą, Chuck Pomo ts’įʔáné dene dédliné hęlį betá ts’į Hopland Band Pomo dene dédliné Ukiah néné northern California hots’į, dene dédliné nené Hopland band Sanel Valley k’éyághe tth’i honáre nárádé, duhųʹ southeastern Mendocino County húlye

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Oakland, California

t’ahúk’e hots’į dene hęlį:
Pomo


Taboo

Taboo

Hip Hop ʔú, shen chú daltłi dené hęlį

Taboo ʔałųʹ łághe bezí t’á hudzi hadé, Jimmy Gomez tth’i bezí, Los Angeles, California nǫʹk’e nįʹya ʔú tth’i ʔeyer néyą, Taboo Mexican chú Shoshone ts’įʔáné dene dédliné hęlį, Taboo bestsuné Shoshone hęlį, hotié bunaze honéłtą, Shoshone dené California ʔú, Nevada ʔú, Utah ʔú, Idaho ʔú, tth’i Wyoming nádáįdé

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Los Angeles, California

t’ahúk’e hots’į dene hęlį:
Shoshone


Tia Carrere

Tia Carrere

Dene nadołthı dëne /Shęn dëne

Tia Carrere Honolulu, Hawaii nǫʹk’e nįʹya nį, Tia Filipino ʔú, Spanish ʔú, Chinese ʔú, tth’i Hawaiian ts’įʔáné dene hęlį, Tia Hawaiian ch’anįęʹ xéł néyą tth’i Hawaiian t’á yałti, kólú Hawaiian Pidgin húlye beyatié, Indigenous dene dédluné Hawaii nárádé Polynesians ts’įʔáné harát’į Marquesas Islands hots’į Hawaii nįdel yanísį thá ʔú 400 AD hoyághe, tth’i Tahiti tth’i hots’į 10th century hoyághe

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Honolulu, Hawaii

t’ahúk’e hots’į dene hęlį:
Hawaiian


John Herrington

John Herrington

Yeda dzıreghaı dëne

John Herrington Wetumka, Oklahoma nǫʹk’e nįʹya kólú Colorado ʔú, Wyoming ʔú, tth’i Texas ts’én néyą, John Chickasaw Nation ts’įʔáné dene hęlį Oklahoma hots’į, Chickasaw dene dédliné northern Mississippi chú Alabama hots’į dene dąʹlį nį, kólú U.S. Government ʔedinideł hádályįʹlá nį yanįʹsį 1830s hoyághe, Trail of Tears húłye nį ʔeyer hot’á

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Wetumka, Oklahoma

t’ahúk’e hots’į dene hęlį:
Chickasaw


The Seminole Tribe of Florida

The Seminole Tribe of Florida

la bazį dene háráhthededeli

Hollywood Seminole Indian Reservation bekǫʹę dáhúłʔą Seminole Tribe of Florida, Fort Lauderdale hogá, 19th century tł’ąʹghę Seminole Wars dáłelghal U.S. xéł, Seminoles dínįdel harályá nį hobest’į traditional territory k’e hots’į Florida k’éyághe, łą Oklahoma nįdel, naxíe ʔekódánįdhenʔíle t’á náįdé, Everglades k’éyághe ts’én tédel, thá tł’ąʹghę húłdųʹ háįdel, nádátser xéł autonomous nation hedáthelį duhųʹ hots’én

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Hollywood Seminole Indian Reservation, Florida

t’ahúk’e hots’į dene hęlį:
Seminole


George Starke

George Starke

Dzoł dëne NFL hel senaı̨dher Offensıve Lıneman hulyé

George Starke New Rochelle, New York nǫʹk’e nįʹya nį, ʔeyer hots’į Washington Redskins ghąʹrįʹya nį 1973 ʔú, ʔeyer hots’į D.C. ts’én nǫʹnįʔą, George Mohawk ts’įʔáné dene dedliné hęlį bą bet’á, Mohawk Nation, Kanienʹkehá:ka, ʔeyi Iroquois Confederacy hots’į dene dédliné hęlį, ʔeyi t’á ʔediri Oneida ʔú, Onondaga ʔú, Seneca ʔú, tth’i Tuscarora nations, hotárelyųʹ ʔeyer hots’įʔáné dene dédliné hęlį dene dédliné hęlį

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
New Rochelle, New York

t’ahúk’e hots’į dene hęlį:
Mohawk


Billy Mills

Billy Mills

Olympıan hots’ı̨ dëne horı̨cha hołtsı̨

Billy Mills Pine Ridge Indian Reservation nǫʹk’e nįʹya South Dakota, Oglala chú Lakota dene dédliné náráde ʔeyer, Great Sioux Nation dené dąʹlį, yanísį dedané hots’į bek’óją ʔeyi Sioux bets’į traditional territory hobenéné duhųʹ Minnesota ʔú, Iowa ʔú, tth’i Wisconsin hobené, łįchogh nįʹlya ʔú, Sioux dené hádórįʹt’ą, nįʹh nechá dárílchú, Nebraska ʔú, South Dakota ʔú, tth’i Montana ts’én nįʹh dárílchú

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Pine Ridge, South Dakota

t’ahúk’e hots’į dene hęlį:
Oglala Lakota (Great Sioux Nation)


Graham Greene

Graham Greene

Dene nadołthı dëne

Graham Greene Six Nations nǫʹk’e nįʹ ya xéł tth’i ʔeyer néyą Grand River reserve k’éyághe, Ontario, Brantford hogá…First Nations Canada hots’į dene dédliné łą ʔełk’éch’a nárádé ʔeyer, Graham Oneida Nation hots’į dene hęlį, ʔeyi reserve ʔełk’étane Iroquois Confederacy dąʹlį; Oneida ʔú, Mohawk ʔú, Cayuga ʔú, Seneca ʔú, Onondaga ʔú, tth’i Tuscarora

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Six Nations of the Grand River, Ontario

t’ahúk’e hots’į dene hęlį:
Oneida


Raven Kanatakta Polson-Lahache

Raven

Digging Roots

Raven Kanatakta Polson-Lahache Winneway, Quebec néyą, t’ahúk’e hots’į hat’į Batchewana First Nation húlye Sault Ste. Marie, Ontario ts’én, Ojibway chú Anishinabe t’á dayatie hots’į hat’į, ʔełótą háyorįlaʔaze dáhóʔą, kólú ʔedinį Algonquin Nation hots’į dene hęlį Quebec hots’į, Raven Mohawk hęlį, Kahnawake hots’į, nasį Montreal hots’į

dene tąnt’ú húya chú húnáy behonįęʹ bek’áyatheti

T’AHÚK’E HOTS’Į DENE HĘLĮ HÚTO BENÉNÉ:
Winneway, Quebec

T’AHÚK’E HOTS’Į DENE HĘLĮ:
Anishinabe-Onkwehonwe


Sho-Shona Kish

Sho-Shona

Digging Roots

Sho-Shona Kish Toronto, Ontario néyą, ʔedinį tth’i Batchewana First Nation hots’į dene hęlį Sault Ste. Marie, Ontario hots’į, Ojibway chú Anishinabe háyorįla sayįzį bąʹngá Lake Superior hogá

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Toronto, ONTARIO

t’ahúk’e hots’į dene hęlį:
Anishinabe-Ojibway


Rita Coolidge

Rita Coolidge

Shęn dëne

Rita Coolidge Lafayette, Tennessee nǫʹk’e nįʹya nį, ʔeyer hotł’ąʹghę Florida ts’én nekerįdher xáré bélot’inį xéł, bets’į family…Rita betsíekwi chú betsúnekwi Cherokee ts’įʔánęʹ dene hęlį, ʔedįʹlya nį 1830s hoyághe, dene dédliné łą hobenéné hots’į ʔedįʹlya nį, dázį néné ts’én tédel hádályá nį Mississippi River bazįʹ ts’én

dene tąnt’ú húya chú húnáy behonįęʹ bek’áyatheti

t’ahúk’e hots’į dene hęlį húto benéné:
Lafayette, Tennessee

t’ahúk’e hots’į dene hęlį:
Cherokee