Rita Coolidge

Shęn dëne

Rita Coolidge shen dené nechá hęlį, Grammy Awards łą dánéłną xéł tth’i Billboard’s pop k’e country ʔú tth’i adult contemporary ʔú tth’i jazz charts, ʔediri k’e hits łą dánéłną

Rita Lafayette, Tennessee néyą, betá yałti dné hęlį ʔų’, bą sekwi hónełtenį dené hęlį nį…shen xéł néyą sekwi hęlį dedáné hots’į…t’ahúk’e neyeʔe nádene bek’íke xéł hejen łínį, Priscilla chú Linda

Rita betihkwi ʔú tth’i bek’íke Florida ts’én nádónįʔą, ʔeyer Florida State University ʔerihtł’ís kǫę yodánįya nį…college tł’ąghę ʔú, Memphis ts’én téya nį shen t’á tsąmba deltsi xa…Rita beba ełtth’i nǫrę’ltth’er ʔeyer rock/soul ensemble book harílya, Delaney & Bonnie and Friends…1970 ʔú, eyer tth’i beba ʔełtth’i nóréłtth’er, eyer tth’i tot’iné shen dené Joe Cocker on his Mad Dogs & Englishmen tour húlye ghąrįya nį…ʔeyi tour k’e tth’i bebe ʔełtth’i nánoréłtth’er, edini dáyį backup shen dené hęlį, ʔeyi ʔá thene hejen xa horelker

Cocker tour tł’ąghe ʔú, A&M Records record deal offer hálya 1971 ʔú, ʔeyer hots’į náke albums herinį, Rita Coolidge, chú Nice Feelin’ húlye, kółdų ʔałų náke albums henaredí, The Lady’s Not for Sale chú Fall into Spring herįnį, ʔeyer US charts k’e nezų nįrįltį, kólú benekwié bet’á ʔąnt’e singer songwriter Kris Kristofferson, ʔeyi bet’á horįchá nįrįltį, ʔeła náke Grammys Best Country Vocal Performance nahįlt’e hahonéłną Duo chú Group, t’a shen xa hahonéłna xadé, From the Bottle to the Bottom chú Lover Please

Rita bets’į t’a shen nechá xadé, 1977 single (Your Love Has Lifted Me) Higher and Higher, ʔediri shen t’á náke t’á nįya, yet’á gold record thełtsį…1983, Rita All Time Highghįjen James Bond film Octopussy xa, ʔeyi tł’ąghę ʔįłąghę bets’énį Robbie Robertson The Band hots’į hayéłnį ʔeyi ʔįłąghę bedézé Priscilla chú baze Laura Walela, a musical trio, tanį ʔahįlt’e ʔeła dájeni xa, ʔeyi Cherokee hots’į dene dąlį nįʔá tth’i

2016 Rita memoir herįnį, Delta Lady húlye, ʔediri shen ʔedeghą holnį, t’ąnt’ú dáhúya dąlį ghą holnį, ʔeyi 60s chú 70s pop/rock universe hoyághe…2018 ʔú Rita album henaredí ʔełk’étaghe néné húdher tł’ąghę, Safe in the Arms of Time

Quincy Jones hayéłnįʔú, “ʔįłáh kóséłnį, hok’étł’á ts’én yadághé dats’edaʔíle, t’axą yadághé dathįda, t’axą tth’i yazį yayaghé ts’én hadáįzuz, k’ųʹlyąʔųʹ…hok’étł’á ts’én ʔeją ts’edaʔíle sį, nezų waléʔíle, ʔeyi t’á yayaghé ts’én naįdzus dézą, ʔeyer hots’į yadaghé ts’én nayediłi horélyą, tth’i t’ą néł losí bek’óją”