Tia Carrere

Dene nadołthı dëne /Shęn dëne

Tia Carrere náh Grammy award néłną hejeni xa, tth’i best actor néłną Cassandra k’ísį senáįdheri xa Wayne’s World k’e

Tia Honolulu, Hawaii néyą, betihkwi náhįlt’e tsámba kǫę eghálahena nį, ts’éthįę k’ébą tanį beskáne ts’ékwi dánįshą, Tia et’eke hethelį ʔų, betihkwi ʔedínįdel t’ahúk’e nádé hots’į, kólú edini betsuné xéł ʔárehdagh, betsuné degháré ts’én hotié háyonéłtą, t’ant’ú thene ʔegheda dąlį ghą

Tia erihtł’ís kǫę ts’ékwi dáyį xa yodánįya, Sacred Hearts Academy, Catholic school, ʔeyer ʔedúlʔą lájá ʔediri acting bazį, Tia talent contest yodárįltį, ʔįłą bets’énį all-boys Catholic school hots’į, Daniel Ho húlye deneyu, ʔeyi bets’énį chú ʔełenáhúlʔa xa yanédhé dé

ʔeyer hotł’ąghe Tia Los Angeles ts’én nǫnįʔą, Tia la horílʔą modelling bazį, kólú ʔeyer hots’į commercials k’įya kúłdų booking guest roles k’įya…t’a hotié bek’óréhjá hadé, t’a tth’i honatthe k’enádheri Jade Soong Chung General Hospital k’e

duhų working actor hęlį kólú Hollywood k’éyághe, Tia ʔałų denaze Asian roles betł’át’á łí ʔałų, kólú zą ʔeyi tth’i náyeyís xa, MacGyver chú Quantum Leap k’enáįdher tł’ąghe ʔú, Tia role hįłchú Married with Children xéł…ʔediri role k’e húłdų ethnicity xa hultáʔíle nį, Tia ts’ékwi nátseri ʔedini tthe hegali nįrįltį

1992, Tia béł ʔasíe łą ʔedune ʔahújá, ʔeyi t’a k’enádheri acting chú hejen bazį, ʔeyer iconic role dílchú Cassandra Wayne’s World k’e, kú ʔeyi film k’e Saturday Night Live sketch húlye k’e, Mike Myers, Dana Carvey ʔú tth’ Rob Lowe bedóret’į, ʔeyi hotárelyų bet’á surprise hit hájá box office k’e, ʔeyi néné k’e Tia tth’i dene xéł People Magazine’s 50 Most Beautiful People list thełtsį

1993, Sean Connery chú Wesley Snipes xéł acting hájá Rising Sun k’e, ʔeyer hots’į yanathe néné k’e Arnold Schwarzenegger tth’i xéł acting hájá James Cameron bets’į True Lies k’e, Tia ʔedini bets’į T.V. series k’e ʔedini xáré acting k’enádher, Relic Hunter, 1999 hots’į 2002 hots’én, ʔedini tth’i bedayí Nani xa, Disney’s Lilo & Stitch k’e

hotárelyų ʔełts’enatheya high school singing dream hots’į, Tia bets’énį Daniel Ho chú ʔeła ʔeghálahena xa ʔełgháherįʔas taghe Hawaiian albums xa, ʔeła nahįlt’e náke Grammys nehéłną, 2009 ‘Ikena xaʔú, 2011 Huana Ke Aloha xa

Tia hadiʔú hotié huhna horúłʔį dé, “t’ąt’i k’enąʹdheri ninįé losi, bek’enąʹdher…t’ąnt’ú nezí yághe néł yati losi, borįłtth’ą néł wats’i ʔadiʔíle sį”