The Seminole Tribe of Florida

la bazį dene háráhthededeli

Seminole Tribe Florida hots’į behonįę t’ant’ú ʔestodánét’ine hots’į duhų ʔaxedónélyą ghą behonįę, 1950 hoyághe tsąmba hobeghą hílchu ch’á hok’enáįde, duhų economic powerhouse harálghą, tsąmba łą k’e déłtth’i

Seminole dené degháré ts’én ʔestodánét’ine United States nádáts’edé, ʔeyer hots’į duhų bets’į casino chú ts’etes kǫę chú ʔeła tsąmba łą hehełtsi ʔeją nǫk’e k’éyaghe, taghe federally-recognized entities, edini tth’i ʔeyer dene xéł dáwultá, ʔedinį ʔedets’én k’oldé elected tribal council t’á, tth’i 2000 members hobets’į ʔełk’étaghe reserves k’e nárádé Florida k’éyaghe

ʔełk’etonéną néné ʔązį Seminole dené ʔestodánét’ine ʔú dáhúná, kólú tourism hájá ʔú 1960 hoyághe, ʔeyeríłdų ʔasíe ʔedune ʔahújá, Tamiami trail k’e yanísį k’ísį traditional villages dáįghą nį, ʔeyi t’á, ʔeyi t’á háįdel tourist attraction Miami k’éyághe, tourism t’á háįdel, ʔeyi dáyį t’á tsąmba łą dáįghą, ʔełélot’inį ʔeła ʔasíe nénį dághą, dene hotárelyų néné k’e hots’į, ʔeyi tth’i hobeskáne dene xa dájen t’á tsąmba dáreltsi łínį, hotárelyų kólú ʔediri alligator wrestling hoʔązį yet’á háįdel, dene łą nabade k’e dayenełʔį ka dene łą nįdél alligator wrestling dánet’į xa, kólú ʔałų dénélt’eʔíle hotárelyų Seminoles benakádánelnį xa

1960 hots’į hádéli xa hok’įdel nį, ʔeyer kú hoyághe Betty Mae Tiger Jumper k’oldher nį, ʔedini dáyį ts’ékwi ʔú tth’i chairperson hęlį nį Seminole Tribe of Florida xa

December 1979 k’e, Seminole Tribe of Florida first high-stakes bingo hall dáhárįtą, ʔeyi dáyį t’á band tsąmba dáłtsi nį, tsąmba łą nįtł’i hájá nį self-sufficiency bazį, bets’į band hádél hájá ʔá, bid thełts’į Hard Rock International, kú ʔeyi shéch’elyį kǫę ʔú, ts’etses kǫę ʔú, dáts’ejen kǫę ʔú, casinos ʔú tth’i shen k’édáts’elnį kǫę, yeba yadóríjá

March 5, 2007, ʔeyi hobets’į landmark “Council Oak” ʔel Hollywood reservation k’e, Seminole Tribe of Florida, ʔedini tthe k’anųłdų Native American tribe international company nahełnį

Seminole dené degháré ts’én hárodí thene ʔasíe hedáthelį, ʔedenakádánelnį ʔú tth’i ʔałorólnį, health ʔú dene hadónelten ʔú, public works ʔú broadcasting ʔú environmental departments ʔú tth’i erihtł’ís kǫę ʔú Veteran’s Building ʔú tth’i Historic Preservation Office dáthełtsį

“tsąmba ʔełk’e dahtł’í xa haráítįʔíle sį, tsąmba bet’á ʔełts’édáʔídi xa haráítį…ʔasíe hedį bónįʹlde nį, kólú zą duhųʹ nuhk’étaídzel…denenį dáníddhen łínį, kú duhųʹ thene ʔasíe k’enárídé, honásįʹ dene dédline ʔedinį tth’i dáhółtsį walí” – Max B. Osceola Jr., former Tribal Council Representative.