Wes Studi

Dene nadołthı dëne

Wes Studi degháré ts’én hotié bek’óją xéł hotié húltth’í ʔeją nįh t’orelyą k’éyághe, ʔediri deneyu Cherokee actor hęlį, ʔeyi belay ʔediri The Last of the Mohicans chú The New World films xéł ʔeghálaghįną, kólú t’a degháré ts’én tsąmba thełtsį hadé Avatar, éyi hoʔązį nárįdhá néyįtą

Wes Tahlequah, Oklahoma nǫk’e nįya, chekakwaze gódhé hęlį t’u Wes hotié beyatié Cherokee yatié hotié dítth’agh xéł yet’á yałti, taghe ch’adhel beghaiyé ʔú, sekwi hónelten kǫę yodąltį nį, Chilocco School of Opportunity for Indian Youth húlye sekwi hónelten kǫę, ʔeyer k’anųłdų dene dedliné bek’ísį dene dáʔį nį, ʔeyer nádher hoyághe military ghą nįdhį, ʔeyer hot’á army xa hílchu nį 1968 hoyághe, Vietnam ts’én ʔįłáh néné xa náįdher nį

Wes bekǫę nikeręʹddher ʔú, ʔasíe łą beba hóreníle nį, dzíkereda hónt’u, tth’i halfway house tth’i nádher henat’įʹ xéł, Tulsa Junior College xa ʔedoréldzá GI Bill xa, ʔeyer k’anųʹłdųʹ hotié ʔasíe henerenįʹ hájá ʔediri t’ant’ú Indigenous people of North America ʔełtth’iʔíle haráldheni, Wes American Indian Movement ghárįʹya, ʔeyer Wounded Knee néné k’e dene xéł protests k’enáįdher

la łą tahúya t’u ʔediri beyatié Cherokee yatié t’á dene hadónełten xéł tth’i ʔeretł’ís newspaper tth’i xa eghálaghéna ʔú, ʔeyerúłdųʹ Wes acting ghą nįʹdhįʹ, University of Nebraska Indigenous talent kádáneta nįʔąʹ series of educational videos dághą xa, Wes binįé ʔahújá, ʔeyer hot’á Los Angeles ts’én nǫʹnįʔą, ʔeyer dézą nįdhen t’á, hórenįʔíle k’í, dékólú nįdhen ʔú, ʔałųʹ ʔedoréldzá, “dene kǫʹę ts’én nayediłʔú seba ʔełtth’iʔoréłtth’erʔíle snį xa hórenįʔíle sį, ʔasíe hołéʔíle hoʔąʹzįʹ bet’á ʔasíe wastsi nįdé nesthen”

yazį dáyįʹ acting parts k’enáįdher ʔú, ʔeyeríłdųʹ Wes nechá acting betł’ághe t’ą Toughest Pawnee húlye 1990’s Dances With Wolves k’e, ʔeyer nisí hots’į t’ant’i acting k’enádher losí; Heat, Deep Rising, Mystery Men, tth’i k’anįʹ thíle hots’į, A Million Ways to Die in the West, Penny Dreadful ʔú tth’i Hostiles dáthełtsį acting t’á

duhųʹ Wes New Mexico ts’én nádher bets’ąʹkwié Maura xéł, ʔeyer ʔeła film workshops k’enáhedher Indigenous youth xa, beláy Silver Bullet Productions tth’i xéł eghálahena